第一日 (13/5/2009):

好開心，今年第一個旅行就係去澳門~ 對上o個次已經係 2007 年o既事...... 今次去o既地方比上次多，值得記載一番。

今日大約 9:30 am 我地就到左上環 shuntak 中心o既 MGM 香港 agency 拎 4 張船飛...... 10:00 am 就準時出發....... 好開心，已經有2 年冇去過 macau，今次仲要係同我o既最愛...... jones、irene & lo yau 一齊去~~  期待左好耐喇 !!!!

到左 11:00 am 時，終於到左澳門喇 ~~ 一落船就立即上 MGM o既 shuttle bus 去酒店先~~ 哈哈~ 落車之後，我地幾個就即刻衝入去 check in，間 hotel o既 lobby 同埋 decoration 真係好靚，好有歐洲o既感覺..... 不過...... 房間就普通啦..... 初時睇相就覺得好靚 ga，不過房間面積就比一般o既酒店房間較大，有一部 LCD 電視，同埋個 bathroom 都好大~ 哈哈~ 如果要以正價二千幾蚊住呢個 hotel，我就覺得唔係咁抵.......

最後，我地將 d 行李放晒入其中一間房後，一連 2 日o既澳門之旅就正式開始.......

第 1 站...... 氹仔 - o係 MGM 坐的士過氹仔只需 10 mins 就到達...... 第一個地方係去木偶食葡國菜.....

食完野之後，就周圍行下......  行行下就去到官也街買小食同埋紀念品。 由於天氣太熱 & 要等 3:00 到大利來記食豬扒包，於是我地幾個就入左去澳門歷史博物館參觀.......

參觀完之後，剛剛夠鐘去大利來記食豬扒包..... 可能今日係平日o既關係，排隊情況好似唔太嚴重....... 個包好好食呀 ~~ 不過.... 大家都一致認為個包欠缺左一 D 調味料，如果有的話，一定仲好食呀 ~

食完個包包之後，又再起行到住宅式博物館參觀。呢度o既環境真係好靚，又涼爽...... 不過個荷花池就...... dirty ><" 我個人黎講都幾鍾意睇呢個博物館，可以了解一下蒲國人o既生活、衣著 & 習俗~

睇完住宅式博物館已經差唔多 4 點幾喇，係時候要趕去下一個目的地....... 我最期待o既威尼斯人渡假村~~

其實成間 hotel o既 decoration 真係好似凡爾賽宮，可能 d 燈光o既影響，比凡爾賽宮更加靚，但運河方面就真係差左少少..... 不過..... 又點可以真係同真o既威尼斯相比呢 ~~

到左傍晚時分，我地幾個就坐的士過去遠景餐廳食晚飯...... 我最最最欣賞o既就係膏蟹粥，真係超超超好食呀 !!!! d 粥真係有好濃郁o既蟹味.... 原本仲以為隻蟹已經冇晒 d 蟹味，誰知仍然保留住好香o既味道，真係值得一讚呀 !!!! 最好笑係當我地拎埋本天書點菜o既時候，老闆娘一見到書上o既圖就話張相影到 d 食物好靚，之後再補多句話實物都係一樣咁靚 ~ 哈哈~~ 結論係咪即係天書講o既野係有花冇假呢 ? 大家旅行時真係要信本天書呀 ~

食完野之後，就準備返 hotel lu~~ 原本仲打算返到去暢泳一番，但各人都已經好累，加上 irene 開始唔舒服，因此我地就決定o係酒店行下、參觀 casino & 影下相咁 ~~ 今日o既行程就此完結，明日更有更精彩o既行程呀 ~~~ (待續)

第二日 (14/5/2009):

又到左行程o既最後一日，一朝早 9:00 AM 約好o係門口等，and then 一齊去酒店o既餐廳食 breakfast buffet...... 食物o既味道都唔錯，特別係條三文魚，好好食 ~~ 同埋我好耐都冇食過可可趣片，食左勁多 ~ 哈哈.......

食完 breakfast 之後，大家上返房間執拾好行李，大約 10:00 am 就正式開始第二日o既行程.....

第一站我地去左觀光旅遊塔........ 雖然今次第 2 次黎澳門，但我都未試過上去旅遊塔上觀景~~ 買左飛之後，我地就直接上去 51 樓欣賞景色...... 其實個高度同o係 IFC 52 樓望落街o既情況差唔多，但最令人驚心動魄o既係地下有幾塊透明玻璃，就好似 skywalk o既感覺..... o係我地參觀緊o既時候，有一班 indian 團其中一個團友o係出面玩緊 skywalk ~ 成班同鄉都為佢歡呼，我都有份跟足佢全程呀 !!!

去完觀光塔之後，我地立即飛的士趕去澳門o既 landmark - 大三巴 & 議事亭前地附近參觀 & 買手信......

到達議事亭前地，我地立即去黃枝記食蝦子麵~~ 黃枝記o既蝦子麵果然係名不虛傳呀 ~~ d 麵真係好彈牙，又冇鹼水味，唔怪得咁多人光顧。好彩我地早左入去 ja，再過多 15 mins，門口已經出現人龍，唔係講笑 ~

食完野之後，我地就向住附近o既景點出發.....

去完大三巴，再過去澳門博物館 & 大炮台參觀....... and then 再增取時間去咀香園 & 鉅記買手信返香港~~

  P.S. 金錢餅 & 胡椒餅真係好好食 ~~

買晒 D 手信之後，我地幾個就返左酒店休息一陣，等到  5 點就再搭 Shuttle bus 返去碼頭喇 ~~~ o係酒店休息期間，我同 irene 再去 lobby 度影靚相，另外 2 位大男孩就繼續坐o係度休息 ~ hehe

整個旅程，真係玩得好開心~~ 雖然只係 2 日， d attractions 又去唔晒，但都覺得好好玩~ 最遺憾o既係..... 第 2 日 irene 病左，全日都冇講過野...... 少左一個人同我大笑大叫 ~ 唉 ~ 希望下次再去遠 d o既地方......

 14/6/2007

期待已久o既歐洲之旅，今晚終於起程喇!!!! 第一站就係去英國倫敦... 十分期待 !

今日同 daddy 食完一餐餞行晚飯後，就一個人背住一個 30 L o既 backpack + 一個中型o既 gip 去 hong kong international airport join peggy, wendy, 肥浩 and 阿仁。沒想到..... 我係帶得最多野o個個.... 見到 wendy 同 peggy o既裝備，都唔知話自己準備充足定係帶得太多 =.=

等齊人之後，wendy o既姑媽 & brother 同我地一齊去搵 oasis check in，原來 2 號客運大樓都幾偏僻，好難搵到 law ! 唉,,,, check in 左之後，就衝入離境大堂喇~~~!!!! 好緊張 ar !!

等到 12:30 am，終於上機喇~~!!! 哈哈! at first 以為 oasis d service 會唔好，coz 佢係一個 low cost airline，但估唔到佢 provide o既 service 係 higher than my expectation... so surprise ar ! 不過就好難瞓得著，雖然個位都幾寬闊，但問題係 12 hours 都要屈住隻腳，好累好痛.... help me !

飛機上有好多 entertainment，at least 有 10 套戲，又有新歌聽... 正! 另外，日出o既時候真係好靚，第一次o係飛機上見到日出，個太陽仲要比平時見到o既大好多.... 好開心呀 ~ 永遠都唔會忘記咁迷人o既日出!

15/6/2007

終於到左英國喇!!!!

係 London Gatwick airport ar !! 好開心!!! 6:40 am 我地就落機喇~ 一落機就見到 HSBC，份外有親切感~~ 一出去機場，大家立即買火車票出去倫敦市中心喇~~

去到市中心，就立即坐 Underground 去west kensington 搵我地間 hostel 先!! 搵左大約1 hour，終於搵到，途中仲見到 linda and grace，好 surprise ar ! 放低晒 d luggage 之後，我地 5 個就正正式式開始我地英國之旅喇!

第一個景點係去自然歷史博物館... haha ! 又會令我諗起電影 "翻生侏羅館".... 裡面講左好多史前 and 絕種o既動物、人類o既變化 and 地球o既形成.... 我最愛都係睇恐龍，可能香港好少有以恐龍為主題o既 exhibition 啦!!

去完自然歷史博物館，下一站就係去 food market 搵野食.....

wendy, peggy 同我都好似餓鬼咁，見到人地 d fish and chips, cake, 熱狗就流晒口水，至於肥浩 and 阿仁就一人買左一個 fish and chips... 嘩! 份量真係勁人，我覺得2 個人都未必食得晒，何況係1 人食1 盒?! 而我同 peggy 就夾份買左d cake、朱古力 and 番茄仔一齊食.... d 番茄仔好新鮮，勁好食 ar ! 不過就 ok 貴啦，一袋都要 HKD $60!! 呢度就係 Food market 喇~~  

食完野之後，大家又慢慢行去欣賞最出名o既 london bridge.... 笑死我! 佢地 4 個一路行一路唱 "london bridge is falling down, falling down, falling down..... " 哈哈! 好貼切 ar ! 終於親眼見到 london bridge，其實我又覺得唔係好特別，不過就好有英國o既味道.....從穚上望下去，就係著名o既泰晤士河.... 問我覺得佢清唔清澈??? 哈哈哈!!! 我想話呢條河可以 "媲美" 香港o既城門河 and 大埔o既林村河 law..... (一樣咁污濁 ><)，但當然泰晤士河係長 d and 大 d 啦~

睇完 london bridge，我地又搭 underground 去arsenal 站尋找 wendy 佢地最愛o既阿仙奴球場。雖然我唔好足球，但都好想見識一下人地個主場有幾宏偉...果然，真係好宏偉，仲大過 hong kong stadium... 估唔到一個球會可以有錢到起一個咁大o既球場，超型 ar ! o係 arsenal 紀念品店內買左一件 arsenal 衫俾叔叔，wendy 佢地 3 個就瘋狂得多，買左好多好多野 wor.... 哈哈! 果然係 arsenal super fans ar ! and then 佢地走入去 arsenal museum，我同 peggy 就o係場外逛逛，仲影左好多相 tim.....

去完 arsenal，大家又搭 underground 去搵名店喇!!!! 好多名店都林立o係Piccadilly Circus 附近，去到Piccadilly Circus 就見到 H& M & ZARA 喇~ 原來英國o既 ZARA 好似比香港平D ，而 H & M 就差唔多，不過就唔太貴.... 其實o係英國 d 名牌野又唔係好貴，我反而覺得食物仲貴..... 最難忘o既係.. 我地o係英國唐人街見到一碟紅燒豆腐要 HKD$80，白飯一碗要 $20... 嚇死我地 ar ! 蘋果日報都要 $50.... 超貴ar !

去完唐人街就返 hostel lu ! 好累 ar ! 計埋d 時差，我地差唔多有 2 日冇瞓過.....

原本以為有覺好瞓，點知 linda told us 我地間房有個變態佬，嚇到我地 3 個女仔呢.... =.=""

不過都好彩冇事，只係俾佢單打左幾句..... 都算係平平安安過左一晚.... 噓~

16/6/2007

瞓左一晚，終於有體力喇!!! 一早就去左 british museum....

去到 british museum，就會諗起 "Mummies return"，立即想衝入去睇 mummies ar ~~ haha ! 入到去 museum 內，差唔多個個都係雕像，仲有好多都唔見左個頭 tim.... 可能自己對d 雕像冇咩興趣，so 是是但但睇過就算 lu ! 反而我地對中國o既藝術品最有興趣，可能最有親切感 and 最熟識o既手工藝品啦!! 睇完d 藝術品之後，我地就走去睇期待以久o既 mummies ! 嘩.... 第 1 次近距離見到d 拆左繃帶o既 mummies ar ~ 好恐怖呀 ~ 但係又好得意..... 如果頭髮真係唔會化 ga ! 我見到個 mummy 仲有頭髮... 呆晒! 原來以前 d 人真係好鐘意整埋死者o個樣出黎，講真... 真係有 7 成相似 ga ~

第 2 站就去 Covent Garden。covent garden 其實係一個跳蚤市場，裡面有好多各式各樣o既貨品，尤其係紀念品為多~ T- skirt、 公仔、杯、碟、手工藝品等等o既野都有得賣.... 仲有好多賣藝o既人聚集o係度，有d 人打扮得好得意，我都忍唔住偷影佢..... 但我覺得有d 賣藝o既人好惡，我只係想影佢一張相，佢就立即鬧我..... 哼! 行行下覺得好餓，於是又同 peggy 夾錢買個野食... 個包真係好好味，又濃 cheese 味 ga !

去完 convent garden，我地就再去多次 arsenal and zara 買野，and then 立即去睇 london 必去o既景點 -- london eye, big ben, 西敏寺, 國會大廈 and 白金漢宮.... 果然係必去o既景色，風景真係一流.... 大家睇下靚唔靚...

英國之旅就此完結，聽日一早向巴黎進發... 10000000000000 個期待呢.....